...

...

ЦАГ ҮЕ

•Sainjargal

•11-р сар 04

ЕРӨНХИЙ САЙД Н.УЧРАЛ: "Онтрэ”-тэй холбоотой лиценз шилжсэн асуудал байхгүй

ЕРӨНХИЙ САЙД Н.УЧРАЛ: "Онтрэ”-тэй холбоотой лиценз шилжсэн асуудал байхгүй

Сүүлийн үед Оюутолгойн бүлэг ордод лиценз эзэмшиж байгаа "Онтрэ" компанийг УИХ-аар оруулахгүйгээр Засгийн газар Хөрөнгө оруулалтын гэрээ байгуулах тухай мэдээлэл олон нийтийн сүлжээнд явах болсон. Мөн 2026 оны зургадугаар сард манай улсын Татварын ерөнхий газраас нэхэмжлэх үүсгээгүй байхад хувийн тооцооллоороо 24.3 тэрбум төгрөгийн татварыг шилжүүлсэн нь Засгийн газраас уг компанийн эзэмшдэг Жавхлант, Шивээтолгой гэсэн хоёр ордыг "Оюутолгой" ХХК"-руу шилжүүлэх урьдаж буюу үндсэн нөхцөл болсон талаар УИХ-ын гишүүн Н.Батнайрамдал удаа дараа хэвлэлээр дамжуулан мэдэгдээд буй. Иймд Ерөнхий сайд Н.Учрал энэ талаар өнөөдөр буюу 2026 оны арваннэгдүгээр сарын 4-ний өдөр албан ёсоор “Онтрэ”-тэй холбоотой лиценз шилжсэн асуудал байхгүй. Энэ бол стратегийн орд. Тусгай зөвшөөрөл шилжих эсэхийг зөвхөн УИХ шийднэ. “Онтрэ”-тэй тусдаа Хөрөнгө оруулалтын гэрээ байгуулж, Их хурлаар оруулан хууль эрх зүйн орчиндоо нийцүүлэн 34 хувиа авах уу, эсвэл АМНАТ-өөр орлуулах уу гэдгээ Их хурлаараа шийдэх хуультай. Энэ дагуу асуудалд хандана. Хуульзүй, дотоод хэргийн сайд Г.Тэмүүлэн удирдамжаа батлуулан хэлэлцээртээ орж, түүнийгээ албажуулж, шаардлагатай гэвэл Их хуралд оруулах эсэхээ Засгийн газарт танилцуулна. Шаардлагагүй гэж үзвэл яараад байх шаардлагагүй. Г.Тэмүүлэн сайд Оюу толгойн Хөрөнгө оруулалтын гэрээ байгуулагдсан цагаас хойшхи 17 жилийн түүхийг маш сайн мэдэж байгаа улстөрчдийн нэг учраас хөрөнгө оруулагч талтай хэлэлцээр хийж, ахиц дэвшил гаргана гэдэгт итгэлтэй байна" хэмээн мэдэгдэв.

Сэтгэгдэл

Энэ агуулгын талаар санал бодлоо хуваалцаарай.

0 Сэтгэгдэл

Сэтгэгдэл байхгүй байна. Анхны сэтгэгдлээ үлдээгээрэй!