"Эрэл групп"-ийн зүүн талаар өнгөрөх авто замыг ашиглалтад оруулав

Хан-Уул дүүргийн 3 дугаар хороонд үйл ажиллагаа явуулж буй “Эрэл групп” газраа чөлөөлж өгөөгүйн улмаас Говийн замыг “Мишээл экспо”-ийн замтай холбох ажил 3 жил орчим гацсан. Тэгвэл уг авто замыг өнгөрсөн 6 дугаар сард ашиглалтад оруулсан юм. Уг авто замыг ирэх 11 дүгээр сард ашиглалтад орох “Гермес” төвийн урд талын нүхэн гарцтай холбоно. Ингэснээр Нарны зам болон Гурвалжингийн гүүрний зорчих хөдөлгөөний ачаалал буурна гэдгийг албаныхан хэлж буй.